Listar mín aðferð

Svona geri ég listana :

Það er alltaf smá persónubundið hvernig við gerum listan og hér lýsi ég því hvernig ég geri, eitthvað sem ég hef prufað mig áfram með og virkar fínt. Ég prjóna lykkjurnar upp á fínni prjón, t.d númeri minni og tek fast í þær og tek upp frekar fleiri en færri, ég prjóna svo til baka með fína prjóninum og fækka lykkjum ef þess þarf. Síðan skipti ég á hálfu númeri stærri prjón og byrja að telja umferðirnar héðan frá,  prjóna fram og til baka slétt og brugðið eða hvernig lista sem ég er að gera. Ég byrja alltaf á því að gera heila listann og vel tölur áður en ég felli af. Litlar tölur þurfa minni lista. Síðan felli ég af með sléttum lykkjum frá réttu og passa í leiðinni að fella ekki af of laust eða of fast. Ég geri hnappagatalistann eins nema auðvitað geri ég hnappagöt, þau mæli ég út og set prjónamerki þar sem ég ætla að hafa þau.  Efsta og neðsta sirka 3 lykkjum frá kanti.  Ef ég er með 8 umferðir í listanum þá geri ég hnappagötin í 3 umferðinni. Mér finnst ég samt aðeins þurfa að meta líka hvernig tölurnar eru, passaðu að gera þau ekki of seint okkur er svolítið hætt við því og þá lenda götin of utarlega.  Hnappagötin geri ég þannig: prjóna að PM slæ upp á prjóninn einu sinni eða tvisvar eftir því hvað tölurnar eru stórar, prjóna tvær sléttar saman. Uppslátt prjóna ég svo sem eina lykkju í næstu umferð.