Kjóllinn hennar Amalíu

  • 1.150 kr
Tax Included.


Fyrsti jólakjóllinn er alltaf mikilvægur. Amalía er fyrri af tveimur ömmustelpum sem fæddust í Febrúar 2020. Þessi kjóll fær því nafnið hennar, mamma hennar var alveg með það á hreinu hvernig kjóllinn átti að vera þar sem Amalía er 5 barnið hjá þeim og fyrsta stelpan. Sannkölluð prinsessa

Kjóllinn er prjónaður neðan frá og upp. Pilsið hafði ég ekkert svakalega vítt svo að munstrið kæmi fallega út í því. Ég notaði þráð með pallíettum í kjólana og það kom svo ótrúlega flott út en þú skalt vanda valið ef þú gerir það og nota þráð sem hefur ekki áhrif á prjónafestuna. Það er til fallegur þráður í Maro sem uppfyllir þetta og er með pallíettum líka 😊 Kjóllinn er með klauf að aftan og ermar eru hálfsíðar, kraginn getur verið laus eða prjónaður við kjólinn með I cord affellingu. Þitt val! En hvað um það kjóllinn er dásamlegur og sómir sér á hvaða prinsessu sem er .

Stærð:                    6 til 12 mánaða, 1, 2, 3, 4 og 5 ára .

Ummál í cm:          49, 53, 58, 62, 64, 67 ( mál tekið undir höndum)

Tillögur að garni:    Merci frá Filcolana, garn sem er blandað bómull og merinoull. Dásamlega létt garn sem passar fullkomlega í þennan kjól. Fæst í Maro verslun á Hverfisgötu 39 eða netverslun www.maro.is.  Glitþráður ef vill.  50, 75, 75, 100, 100, 125

Magn í gr:              150, 200, 250, 250, 300, 350

Prjónafesta:           27/10 á prjóna nr. 3

Uppskriftin berst á rafrænu formi eftir að greiðsla hefur verið framkvæmd. Þú færð senda slóð, sem vísar á síðu og þar er hægt að hlaða uppskriftinni niður samstundis.  Ég mæli með að þú vistir hana á góðum stað. 

Stundum lendir þessi póstur í spam eða rusli, svo endilega athugaðu þar .