Kjóllinn hennar Magdalenu

Ég fékk litla nöfnu í Janúar 2022, auðvitað varð hún að fá sinn eigin jólakjól. Ég var alltaf með svolítið „vintage“ útlit í huga og horfði stíft á gamlan jólakjól af sjálfri mér.

Kjóllinn endaði þó ekkert líkur honum nema litla slaufan sem prýðir hann að framan verðu.

Kjóllinn er prjónaður neðan frá og upp. Það eru litlir takkar neðan á pilsinu og á ermum. Ermarnar eru stuttar, víðar og með stuttum umferðum til að móta þær og gefa púff útlit. Það er klauf að aftan og lítil slaufa við mittið að framan sem má sleppa ef vill.

Frekar einfaldur en þó með smáatriðum sem gera svo mikið fyrir hann.

Ég notaði Merci frá Filcolana í þennan kjól, það garn er svo auðvelt í viðhaldi og endist vel. Þetta er flík sem gæti auðveldlega gengið í á milli kynslóða, útlitið er klassískt og með réttu vali á garni, endist hann lengi.

Stærð:                    6 til 12 mánaða, 1, 2, 3, 4, 5 ára.

Ummál í cm:          48, 50, 54, 56, 60, 64 (Málið er tekið undir höndum)

Tillögur að garni:    Merci frá Filcolana, fæst hjá Garn í gangi eða í netverslun  www.garnigangi.is . Athugið að magn miðast við uppgefið garn.

Magn í gr:              150, 150, 200, 200, 250, 250

Prjónafesta:           28/10 á prjóna nr. 3

Uppskriftin berst á rafrænu formi eftir að greiðsla hefur verið framkvæmd. Þú færð senda slóð, sem vísar á síðu og þar er hægt að hlaða uppskriftinni niður samstundis.  Ég mæli með að þú vistir hana á góðum stað. 

Stundum lendir þessi póstur í spam eða rusli, svo endilega athugaðu þar .