Desember

Jólapeysa

Höfundur: Ella Magga. Hugmynd og meðhöfundur: Kristín

Báðar dætur Sæmundar

Jólapeysa var ekki á planinu hjá mér, aldrei! Svo gerði systir mín svona dásamlega peysu á ömmustrákinn sinn ein jólin með alls konar skemmtilegum munsturmyndum. Við ákváðum að nýta hugmyndina og gefa út uppskrift af jólapeysu handa krökkunum í okkar útfærslu.

Peysan er prjónuð ofan frá og niður, útaukningarnar eru gerðar með jöfnu millibili . Peysan er heilmunstruð og skemmtilegt verkefni í munsturprjóni og skammdeginu fyrir jólin Munstur og litir gera þessa að uppáhalds hjá krökkunum þar sem myndirnar eru miðaðar við að peysan verði skemmtileg😊

Gott að vera með tæknina að „festa“ þræðina á milli til að spottar verði ekki of langir á milli lita. Stærðirnar eru miðaðar við að vera með ca 10 til 12 cm umfram brjóstvídd á barni. Það er alltaf betra að taka stærð sem passar við yfirvídd á barni heldur en aldur.

Jólin eru einu sinni á ári svo það er gott að vera búin með þessa í október eða byrjun nóvember svo krakkinn geti notað hana vel.

Stærð:                    1, 2, 3, 4, 5, 6, 8, 10 ára

Ummál í cm:          62, 68, 71, 74, 77, 80, 83, 86

Tillögur að garni: Kelbourne Camper, 100% ull   , fæst hjá www.rendur.is    

Magn í gr:              Grunnlitur: 100, 150, 150, 150, 200, 200, 200, 200. Ein dokka af hverjum munsturlit í allar stærðir

Prjónafesta:           26/10 á prjóna nr. 3,5

Þú þarft að nota hringprjón og sokkaprjóna nr.2,5 og 3,5. Prjónamerki og nál til frágangs.

Ég vil benda á að það er einnig hægt að greiða pöntun með millifærslu á reikning en þá þarf að muna að senda mér kvittun úr heimabanka

Reikningsupplýsingar : 0123  - 26 - 201091  og Kennitala:  010865 - 3369

Uppskriftin berst á rafrænu formi eftir að greiðsla hefur verið framkvæmd. Þú færð senda slóð, sem vísar á síðu og þar er hægt að hlaða uppskriftinni niður samstundis.  Ég mæli með að þú vistir hana á góðum stað. 

Stundum lendir þessi póstur í spam eða rusli, svo endilega athugaðu þar .