Aðalvík Dömupeysa

Dömuútgáfa af barnapeysunni Aðalvík. Svo gaman að geta verið í takt við litla gorminn sinn, eða bara að eiga eina svona duggarapeysu.

Peysan er prjónuð ofan frá og niður með útaukningu í laska og mismunandi munsturbekkjum sem samanstanda af sléttum og brugðnum lykkjum. Fyrirmyndin er þessi hefðbundna „duggarapeysa“ eða gansey sweater sem eru peysur notaðar af breskum sjómönnum. Peysan er ekki erfið í vinnslu og ætti því að henta þeim sem eru að byrja að prjóna og geta lesið úr munsturmynd. Svo er alveg ferlega gaman að prjóna hana þar sem þú ert aldrei að gera eins munstur 😊

Ef þú vilt hafa peysuna víða (bulky) er möguleiki að nota þráð með eins og mohair eða alpaca lace og fara í prjónastærð 4,5. Peysan verður um það bil 9 til 10 cm víðari .

Málin og magn miðast við uppgefið garn.

 Stærð:            XS, S, M, L, XL, 2XL, 3XL

Ummál í cm:          97, 100, 105, 108, 115, 123, 128

Tillögur að garni:    Dala merino 22, garnið er nýtt á markaði og fæst hjá www.prjónaklubburinn.is.

Einnig er hægt að nota Scout frá Kelbourne en það fæst hjá www.memeknitting.com. Það garn er 100% peruvian ull og kemur í 100 gr hespum.

Magn í gr:              550, 600, 600, 650, 650, 700, 750. (miðað við meðalsídd og ermar sem er tekið úr)

Prjónafesta:           22/10 á prjóna nr. 4

Uppskriftin berst á rafrænu formi eftir að greiðsla hefur verið framkvæmd. Þú færð senda slóð, sem vísar á síðu og þar er hægt að hlaða uppskriftinni niður samstundis.  Ég mæli með að þú vistir hana á góðum stað. 

Stundum lendir þessi póstur í spam eða rusli, svo endilega athugaðu þar .

Ath. Ungbarnið á myndinni er í Aðalvík ungbarnapeysu. Hún fylgir ekki með!